Ideja për ngritjen e Muzeut Historik, daton në vitin 1982.

”Në dokumente, thuhej ndër të tjera se, vendi ku do të ndërtohej muzeu duhet të ishte pranë qendrës dhe buzë rrugës.

Muzeu duhet të kishte një arkitekturë bashkëkohore dhe të veçantë nga ndërtesat e tjera të qytetit, duhet të pasqyronte historinë e qytetit të Lushnjë nga lashtësia e deri në vitet ’80, të kishte edhe një hapësirë të veçantë kushtuar Luftës Antifashiste Nacional Çlirimtare.

Gjithashtu duhet të kishte kënd të veçantë kushtuar Arkeologjisë, Reformës Agrare, Arsimit dhe Luftës ndaj Analfabetizmit, Shëndetësisë, Etnografisë, etj.  Muzeu duhet të kishte nivel të lartë shkencorë sepse ndërtohej pas Muzeut Kombëtar në Tiranë dhe disa muzeve të tjerë të vendit”. Zyrtarisht Muzeu u përurua më 21 Nëntor 1990.